خیالِ یار سے گفت و شنید رہتی ہے

 خیالِ یار سے گفت و شنید رہتی ہے

یوں آئے روز ہی اپنی تو عید رہتی ہے

ہے ایک جیسا ہی پروانے تیرا میرا دل

کہ ایک آرزو ہر دم شدید رہتی ہے

گنوا کے بیٹھے ہیں سامان قیمتی سارا

مگر ہے دل کو تسلی رسید رہتی ہے

یہ عشق بارے کوئی مستند نہیں رائے 

مشاہدہ ہے کہ مٹی پلید رہتی ہے

یہ چاند چاند کی جب جب فضا میں گونج اٹھے

شکر ہوں کرتا کسی کی تو عید رہتی ہے

کوئی نہیں ہے کوئی بھی نہیں کوئی بھی نہیں

نہیں نہیں میں بھی لیکن امید رہتی ہے

اداس رہئے، نہ مایوس یوں مگر رہئے

خبر کسے ہے کہ کییسی مزید رہتی ہے

.....۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔