صرف اک تیرے لئے آنکھ یہ تر تھوڑی ہے

 صرف اک تیرے لئے آنکھ یہ تر تھوڑی ہے

مجھ پہ کیا گزری ہے یہ تجھ کو خبر تھوڑی ہے

ڈر ہے جو مجھ کو بھلا تجھ کو وہ ڈر تھوڑی ہے

میرے کاندھوں پہ کوئی تیرا یہ سر تھوڑی ہے

اب تو بنتا ہے مرا گرنا ہر اک ٹھوکر پر

اب تری مجھ پہ وہ پہلی سی نظر تھوڑی ہے

تجھے نیندیں ہوں مبارک، ہو تری سحر حسیں

تیرے خوابوں میں بھلا میرا گزر تھوڑی ہے

ساتھ چلتا ہے سدا موڑ جدائی والا

یہ محبت کوئی آسان سفر تھوڑی ہے

ہر مسافر کو ہے درکار گھنا ، سبز درخت 

مجھ سا بے سایہ، بے پھل ان کو شجر تھوڑی ہے

کیسے نادان طبیبوں سے پڑا ہے پالا

جہاں ڈھونڈیں ہیں مرا دل وہ ادھر تھوڑی ہے

دور کیسے ہوں شکایات حسن والوں کی

بھلا قدرت میں مری شمس و قمر تھوڑی ہے

عشق نے مار دیا، مار دیا، مار دیا

شور مت کیجے کوئی تازہ خبر تھوڑی ہے

شہر لٹتا ہے لٹے میری بلا سے صاحب

ابھی آباد کوئی میرا یہ گھر تھوڑی ہے

رنج، غم، درد،  ہجر، ہنس کے اٹھا لیتے ہیں

ہم نے اک اس کے سوا سیکھا ہنر تھوڑی ہے

دست و پتھر سے بھلا کیسی شکایت ابرک

کوچہِِ جاناں کو یہ غیر کا سر تھوڑی ہے

....................۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔