ماں ۔۔ پیاری نظم

 ماں کے کاندھے پہ سر میں رکھتا ہوں

آج بھی جب جہاں اٹکتا ہوں 

اپنی صورت حسین لگتی ہے

ماں کو میں آئینہ سمجھتا ہوں 

ماں کے ہونے سے سب بہاریں ہیں 

میں خزاؤں میں بھی مہکتا ہوں

آئے جب زندگی میں غم کوئی

ماں کی آنکھوں سے میں برستا ہوں

ماں کے سکھلائے سے جو ہٹ کے چلوں

عمر بھر راستہ بھٹکتا ہوں

سرخرو ہوں تو ماں دعا ہے تری

ایک دنیا کو میں کھٹکتا ہوں

یہ بھی تعلیم ماں کی ہے ابرک

جو نہ لکھنے میں, میں بہکتا ہوں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔