ہجر ،بد ذات سے نہیں بنتی

 ہجر ،بد ذات سے نہیں بنتی

وصل کی رات سے نہیں بنتی

بات بگڑی ہو جو محبت میں 

پھر  کسی بات سے نہیں بنتی

آنکھ میری، غریب کی چھت ہے

جس کی برسات سے نہیں بنتی

دل کی غربت کا یہ تقاضا ہے

اپنی، حالات سے نہیں بنتی

پوچھتی ہے جو زیست چھبتے ہوئے

ان سوالات سے نہیں بنتی

گفتگو میں دلیل بھی رکھنا

بات جذبات سے نہیں بنتی

مجھ سے بن سکتی ہے مگر تیری

میری اوقات سے نہیں بنتی

آؤ دوری کو آزماتے ہیں

جب ملاقات سے نہیں بنتی

سوچ زرخیز اس قدر ابرک

صرف اک مات سے نہیں بنتی

......۔۔۔۔۔۔۔۔۔۔۔۔۔۔۔۔۔۔۔۔۔۔۔۔